Articles from Old Newspapers & Magazines (‘VAURADDEANCHO IXTT’)
Articles from Old Newspapers & Magazines and Translated Articles on MSGR. HERCULANO GONSALVES from Portuguese to English
VAURADDEANCHO IXTT
21st February 1948
DISCURSO DR. E. DE SOUZA-ACHO Manadic Sr. President, Mogal Mons. Herculano Gonsalves, Mogachea ixttanno, Ede vodde ani mansugueche zomatin itule uxarcaen uloilea uprant amcho manadic Sr. President ani amcho naumvosto gãu bhau Sr. Conego João Paul, dista maca avem aninc ulounc favo naslem munn, poile suater kiteak vortoutam decun aum chod khalto sogleam modem, ani dusre suater sonvoim nam zaun maca amche baxen ulouncheac, bhirant maca dista aum pidder corunc pavon munn hem amchem fest jem itulea dobajean ami cortaum man diuncheak e amchea Mons. Herculananc, argam diuncheac Donia Devac taca dovorlo decun pavo passun 80 vorçanche piraer, ani khuxalborit zauncheac tachea borabor polleun taca man dilolo amchean Papa Saiban, zannem ollcon tacho vaur amchea Catholic dorma passot, taca dilo aninc ec birlo corun taca aplo Camareiro Secreto, munngue Monsenhor nomiarunc. Punn zor tor aum fuddem sorlom ucharuncheac him mojim 4 utram, vortouta somzonnim diumcheac ea coutic festachi toddeam zannanc zancam sozmonc nam zatolo ho itule uxarcaen discurs kelolo finrgui baxen amchea gãu bhavan Sr. Conego João Paulan. Hem fest jem amim cortãu ani zata itule urben ani mogan amim sogle hajir assaum, corunc fuddem sorlet amche gãu bhau ani chodd maca khuxalcai bogta polleun ki soglo amcho gaumcho loc ani gãu bailo legun, vodda mogan ani doeallen ubarun aplo hat, adar amcam dilo munn hem fest corcheac diun amcam aninc ec ocaziãu dacoun diunheac amchea mogachea Monsenhorac ki Congottcho loc ollcota munn ani chodd man dita munn tachea vaurac zo tannem ede vhoddlea sacrifisan kelo amchea Congottchea ganvant. Mons Herculanan roilem amchea ganvant ec apurbaiechem zadd, jem Devachea beçãuvan chodd vaddlem ani fancarlem anim tem ximpunc tannem poilem udoc gatlem aplea gorchem, maguir amchea Goenche gãuche ani maguir Goeam bailem passun, ani maca dista ki goroz tor porti tem ximpunc tachea roctan, tem pasun to galtolo also, pelicana baxen zo sangtat aplea rogtan posta munn apleam supurleam pilanc. Hem zadd tanne roilelem vortoutat ho Covent ani Orfanato de St. Aleixo, je tannem ubarlet ani sasnanc urtelet tacho voddlo moument cosso. Zaito loc somzota ki ho Covent ani Orfanat zuim itleanc pai mãe nasleleam burgeanc adar ditat, Mons. Herculanan kelet munnon aplech uxarcaen ani icmotin, punn maca dista hem oxem noi ani maca dista Mons Herculanui oxem somzota, ki zor tor edem vhodd cam, jem soglo amcho Goencho loc itulem manta to corunc paulo, hem vortouta Devan taca aplo adar ani alaxiro dilo munn, ani St. Aleixo, tacho especial protector, ani amcho gãuncho patron, Devache sodre mucar vavurta munn taca ho adhar mellcheac. Sangtalo ec zantto ani xanno munis ki soglo amcho vaur, soglo amcho dhondo ani soglem cam, jem hea sousaran ami cortãum, taca valor assa munn eca zeracho, ani zaite zer ami ecttaim boroin zalear taka cosloch ort nam munn, pun zor tor amchea vauracher asot Devachem becãu, zalear Dev team zeram cuxim boroita ec numr ani em zeranc ort meuta nuim hozaram-chi punn lacanchi aninc crutamchi porian. Hea sousarant Deu assa ani ho sounsar Deu choloita , hem soglem ami zannãum ani sot mantaum, pun thodde pautt amcho bhavart ani borvonso nidla, ani ami sozmotaum ki ho sõusar cholta munn amchea vaurac ani uxarcaec lagon. Hem voddlem cam jem Mons. Herculanan kelem, dista maca Devan nirmilelem ani Doni Deu tem aplea hatantulem kednanch soddcho nam. Amcam Congottcaranc chodd o brigaçãu assa taca adar diuncheac ani mozot corunc, ani maca dista connuch phattim sorcho na munn ho adar diuncheac, ani carann hem oxem sozmonc, vortouta itulo mog ani urba ji sogleanim tumim dacoili ectaim zaun hea amchea festac ani adar diun maoa ectãim zaun hea amchea festak ani adar diun maca ecttaim corunc ek vhoddlem bols jem ami diunc sodtaum ea amchea Orfanatac. Vaurum-ia hea amchea Orfanata passot, adar ani mozot ami taca divum-ia, ani bailea loca laguim ti ami magum-ia, zaunc ami pauncheak mali Devache cacutiche corun churchure heam pai-mãe nasleleam burgeamche, ani beçãu amcher poddtelem Doniam Devachem.
