Articles from Old Newspapers & Magazines (Magazine ‘Dukhest Saibinniche Igorjecho Itias’)

Articles from Old Newspapers & Magazines and Translated Articles on MSGR. HERCULANO GONSALVES from Portuguese to English

Extract taken from the Magazine

‘Dukhest Saibinniche Igorjecho Itias’

Sonapurchi Igorz, heram sabaram kapelam-Igorzamporim, bhou purvili vortota….Purvileam kapelanvanchi nanvam… Ani 1923-1930 hea vorsamnim Pri.Herculano Damasceno Oliveti Gonsalves (uprant Monsenhor) Sonapurcho Kapelanv vortolo. Hachea kallar, Kapalent devosanv choddot-vaddot gelem, ani je akt chodd korun eke firgojent zatat te soglle unne-pure hea kapalent zaunk lagle. Misachim novim angvostram tannem haddlim, bhair-bhitor kapel sobit-sundor kelem. Balluk Jezuchea Santa Terezinhachea manak anink ek altar ubho kelo, Igorje fuddleam ji suvat asliti vikti ghetli, tika unchain diun ti sobhonvtonnim ek lokhnnachi grad ghalun hoddli. Akerek aplea udar kallzache urben, “Little Flower” hem Iscol 1923 vorsa tannem stapilem, Sonapurchea durboll-dhakttea bhurgeank educasanv diunchea khatir. Abrilache 29ver, 1930 vorsa, Pri. Herculano Gonsalves, haka Calangut-cho Vigar nomiarlo, ani tea uprant Ghanttacho Vigar-Jeral. Ani Sonapura, tache suvater, Father J. C. Fereira, haka Kapelanv nemlo. Hannem hangasor char vorsam Kapelanvki choloili ani sogllim devosanvam jim zatalim tim tannem samball’lim. Punn “Little Flower” hea iscolachi zapsalki tache bolaikek lagun tachean gheum nozo zali dekun, sthapnnaran “Goan Union” hachea tabeant tem korchem poddlem.